1 Akaropafadzwa munhu
asingafambi panorangana vakaipa,
asingamiri panzira yavatadzi,
asingagari pachigaro chavadadi.
2 Asi anofarira murayiro waJehovha,
uye anofungisisa murayiro wake masikati nousiku.
3 Akafanana nomuti wakasimwa pahova dzemvura,
unobereka michero yawo nenguva yawo,
uye mashizha awo haasvavi.
Chinhu chipi nechipi chaanoita chinoendeka.
4 Vakaipa havana kudaro!
Vakafanana nehundi
inopepereswa nemhepo.
5 Naizvozvo vakaipa havangamiri pakutongwa,
kana vatadzi paungano yavakarurama.
6 Nokuti Jehovha anotarira nzira yavakarurama,
asi nzira yavakaipa ichaparadzwa.